"Барса" мухлислари Винисиусни "заҳарлашда" давом этмоқда

Кеча тунда бўлиб ўтган "Барселона" ва "Реал" Мадрид қарама-қаршилиги оав томонидан кенг муҳокамага сабаб бўлгани рост. Айниқса, "Барселона"нинг ултрас (ашаддий )ишқибозлари "қироллик клуби" ҳужумчиси Винисиус Жуниорнинг адрессига кескин ҳақоратлар ёғдирди.

Бу сўзларни таржима қилиш имконсиз, аммо уларнинг луғавий маъноси ирқчиликка бориб тақалади. Қўшимчасига, унга 90 дақиқа давомида ишқибозлар ўлим тиланган ҳайқириқларни ёғдириб турди.

Ачинарлиси шундаки, бундан аввал "Атлетико" Мадрид ва "Малёрка" фанатлари мана шу хунук анъанага асос солган эди. Улар сафига "Барселона" ишқибозлари ҳам қўшилди.