“Барса” Рафиньядан қутилиш учун бошқа юлдуз топди

Яқинда “Барселона” спорт директори Деку жамоа ўйин ташкил қилишда Ламин Ямал ва Рафиньяга қарам бўлиб қолганини таъкидлаган эди.

Энди каталонияликлар ҳужумкор футболчи позициясига бошқа ўйинчи топди.

Relevo нашрининг ёзишича, “Барселона” мутасаддилари 80 миллион еврога баҳоланаётган Луис Диасни ёзги трансферлар даври учун асосий нишон сифатида белгилади.

Каталонияликлар “Ливерпуль”нинг 28 ёшли ўйинчиси бразилиялик Рафиньянинг ўрнини бемалол боса олишига ишонч билдирмоқда.

Экспертларнинг таъкидлашича, “Барселона” катта трансферни амалга ошириши учун, энг аввало, молиявий имкониятларини чамалаб олиши талаб этилади. Бундан ташқари, “Ливерпуль” етакчи ўйинчилардан бирини осонликча қўйиб юбормаслиги ҳам таъкидланмоқда.