“Барса” раҳбарлари энг катта “душман”ни олмоқчи!

“Барселона” жорий мавсум Европа Чемпионлар лигасидаги юришини ярим финалда тўтатишига “Интер” юлдузи Дензел Дюмфриснинг ажойиб ўйини сабаб бўлди.

29 ёшли футболчи каталонияликларга қарши кечган ҳар икки учрашувда ўнг қанотни тўлиқ назорат қилди, ҳимоядан ҳужумгача бўлган масофада рақибдан ҳар томонлама устун эканини намойиш этди.

Дюмфрис иккита учрашувда “Барселона” дарвозасига киритилган жами еттита голдан бештасида бевосита иштирок этди. Дензелнинг ўзи иккита тўп киритиб, жамоадошларининг учта голига ассистлентлик қилди.

Маълумотларга қараганда, “Барса” мутасаддилари бу учрашувлардан кейин нидерландиялик футболчини трансферлар рўйхатига киритган.

Каталонияликлар бу позицияга, шунингдек, Жереми Фримпонг (“Байер”), Додо (“Фиорентина”) ҳамда Вандерсон (“Монако”) каби футболчилар номзодини ҳам ўрганиб чиқмоқда.