“Barsa” Suares bo‘yicha qarorini aytdi

“Atletiko” hujumchisi Luis Suares yozda “Barselona”ga qaytishni rejalashtirgani haqida xabar tarqalgan edi.

Jurnalistlarning aniqlashicha, urugvaylik to‘purar o‘tgan yili “Oltin to‘p” taqdimot marosimida “Barselona” prezidenti Joan Laportaga uchrashib, Kataloniyaga qaytishga tayyorligini aytgan.

“Barselona” xo‘jayini Suaresning istagiga javob qaytardi. Joan Laporta Luisning jamoadagi davri ortda qolgani va endi uning xizmatlariga ehtiyoj yo‘qligini ta’kidladi.

Kataloniyaliklar bosh murabbiyi Xavi yaqin kelajakda nufuzli sovrinlar uchun kurashishga qodir yosh, chaqqon va iste’dodli o‘yinchilardan tarkib topgan jangovar jamoa shakllantirmoqchi.