“Барса” Суарес бўйича қарорини айтди

“Атлетико” ҳужумчиси Луис Суарес ёзда “Барселона”га қайтишни режалаштиргани ҳақида хабар тарқалган эди.

Журналистларнинг аниқлашича, уругвайлик тўпурар ўтган йили “Олтин тўп” тақдимот маросимида “Барселона” президенти Жоан Лапортага учрашиб, Каталонияга қайтишга тайёрлигини айтган.

“Барселона” хўжайини Суареснинг истагига жавоб қайтарди. Жоан Лапорта Луиснинг жамоадаги даври ортда қолгани ва энди унинг хизматларига эҳтиёж йўқлигини таъкидлади.

Каталонияликлар бош мураббийи Хави яқин келажакда нуфузли совринлар учун курашишга қодир ёш, чаққон ва истеъдодли ўйинчилардан таркиб топган жанговар жамоа шакллантирмоқчи.