“Барса” хўжайини Мбаппенинг “пўстагини қоқди”

Испания Суперкубоги финалида икки ашаддий рақиб – “Барселона” ва “Реал” ўзаро тўқнаш келди. Навбатдаги “эл класико”да каталонияликлар футболчилар 3:2 ҳисобида зафар қучди.

“Барселона” президенти Жоан Лапорта Испания Суперкубоги финалидан кейин мадридликлар тўпурари Килиан Мбаппени кескин танқид қилди.

- Мбаппенинг хатти-ҳаракатлари мени ҳайратга солди. Ғалабада ҳам, мағлубиятда ҳам инсон олижаноб ва ҳурматли бўлиши керак.

Бу – спорт, унда ҳамма ўзини муносиб тутиш лозим. Биз ғалаба қозонганимизда рақибга ҳурмат кўрсатган эдик, шунинг учун Мбаппенинг қилган ишини тушунмайман, - деди Жоан Лапорта.

Таъкидлаш жоизки, Килиан  Мбаппе бой берилган финалдан “Реал” футболчиларига “Барселона” учун чемпионлик йўлагини ташкил қилишга халақит бергани ҳақида хабарлар тарқалган эди.

Маълумот учун, “Барселона” ўз тарихида 16-марта Испания Суперкубогини қўлга киритди ва бу турнир рекорди ҳисобланади. “Реал” эса мазкур совринни 13 маротаба ютган.