"Барса" янги дарвозабон билан шартнома имзолаш арафасида
Каталонияликларга у келаси йил керак
«Барселона» клуби дарвозабон Доминик Ливакович трансфери бўйича «Фенербахче» билан музокара олиб бормоқда.
Sport.es нашри хабарига кўра, томонлар келишувга жуда яқин. 31 ёшли дарвозабон учун каталонияликлар тахминан уч миллион евро атрофида тўлов амалга ошириши кутилмоқда, бу суммага бонуслар киритилмаган.
Режага кўра, шартнома расмийлашганидан сўнг Ливакович бир мавсумни Загребнинг «Динамо» жамоасида ижара асосида ўтказади, 2027 йил ёзида эса «Барселона» сафига қўшилади.
Каталония клуби хорват дарвозабонини келгусида Войцех Шчеснининг ўрнини босадиган номзод сифатида кўрмоқда. Польшалик дарвозабон билан амалдаги шартнома келаси ёзгача мўлжалланган. Шу билан бирга, жамоанинг асосий дарвозабони сифатида Жоан Гарсия қолиши режалаштирилган.
Изоҳлар (0)