“Barsa” yulduzi Ispaniyaga sig‘may qoldi

Butun faoliyatini “Barselona” asosiy jamoasida  o‘tkazgan Serxi Roberto shu yoz shartnomasi tugab, erkin agentga aylangan edi.

Katta tajribaga ega himoyachiga La Liganing o‘zidan bir qator takliflar bo‘lmoqda. Xususan, yuqori o‘rinlar uchun kurashayotgan “Jirona”, “Valensiya” va “Sevilya” Serxi Robertoga ish berishga tayyor.

Mundo Deportivo nashrining ta’kidlashicha, ispaniyalik futbolchi o‘z kuchini xorijda sinab ko‘rmoqchi. 32 yoshli himoyachi faoliyatini Angliya Premer-ligasida davom ettirish istagida ekanini bildirdi.

Serxi Roberto faoliyati davomida “Barselona” safida jami 479 ta uchrashuvda maydonga tushib, himoyadagi vazifalarini bajarishdan tashqari raqiblar darvozasini 26 marotaba ishg‘ol qilgan va jamoadoshlariga 46 ta golli pas uzatgan.