“Барса”да 7 дақиқа ўйнаган футболчи Ла Лига тарихига кирди

“Барселона” ўз тарихида 27-чемпионлигига эришди. Бош мураббий Хави Эрнандес учун ҳам бу мураббий сифатидаги илк энг катта ютуқ.

Испаниялик  статистика мутахассис Алексис Мартин-Тамайо Бласкес яна бир фактни ошкор қилди. “Барселона” вакили Ламин Ямал Испания футболи тарихида мамлакат чемпиони бўлган энг ёш футболчига айланди.

15 ёшли футболчи жорий мавсум асосий жамоада дебютини нишонлаб, атиги етти дақиқа майдонда ҳаракат қилган эди. Бу Ямалнинг чемпиони бўлиши ва рекордчига айланишига кифоя қилди.

Аввалги рекорд ҳам “Барселона”га тегишли бўлган. Марк Муньес 17 ёшу 51 кунлигида каталонияликлар таркибида Испания чемпионлигига сазовор бўлганди.