“Барса”да катта йўқотиш

“Барселона” ва Испания терма жамоасининг чап қанот ҳимоячиси Алекс Бальде учун мавсум тугади.

Испания кубоги чорак финалида доирасида Бильбаода “Атлетик” жамоасига қарши ўтказилган учрашувда Бальде сонидан жароҳат олган эди. Чуқурлаштирилган текширувлар жароҳат жиддий эканини кўрсатди.

Marca нашрининг ёзишича, 20 ёшли футболчи мавумнинг қолган қисмини ва ёзда Германияда бўладиган Европа чемпионатини ўтказиб юборади.

Айни пайтда клуб тиббиёт хизмати жароҳатни даволаш усуллари бўйича бир қарорга келиши керак. Агар жарроҳлик амалиёти қўлланиладиган бўлса, футболчи камида тўрт ой майдондан ташқарида қолади.