“Барса”да нима қиласан? Руни Кейнга бошқа жамоа танлаб берди

“Барселона”нинг Ҳарри Кейнга қизиқиши ҳақидаги хабарлар ортидан Англия терма жамоасининг собиқ ҳужумчиси Уэйн Руни юлдуз футболчига қайси клубга ўтиши кераклиги борасида маслаҳат берди.

Рунинг таъкидлашича, Кейн “Олд Траффорд”га йўл олиши лозим.

- Эшитинг, агар Кейн “Бавария”да қолмоқчи бўлмаса, мен уни “Манчестер Юнайтед”да кўришни жуда истардим. Агар у мени эшитаётган бўлса: “Ҳарри, сенда Алан Ширернинг ҳали янгиланмаган рекорди бор... Ва “Манчестер Юнайтед”ни яна чўққига қайтаришга ёрдам бер!”.

Ичимдаги ҳис билан айтаманки, Кейн Премьер-лигани ютишни хоҳлайди. У “Манчестер Юнайтед”га келиб, жамоани чемпионликка олиб чиқса, нималар бўлишини тасаввур қилиб кўринг, - деди Уэйн Руни BBC подкастида.

“Манчестер Юнайтед” сўнгги марта 2013 йилда Англия чемпиони бўлган. Кейинги мавсумлардаги натижалар жамоа мухлисларини ҳам, клуб хўжайинларини ҳам умуман қониқтирмаяпти.