“Барса”дан “бомба” трансфер: Лапорта Холандни олиш йўлини топди
“Барселона” президенти Жоан Лапорта “Манчестер Сити” тўпурари Эрлинг Холандни олиш орзусидан қайтгани йўқ.
Каталониялик мутахассислар норвегиялик футболчининг манчестерликлар билан тузган 9,5 ярим йиллик янги шартномасини ўрганиб чиқиб, ундан Холандни олиш имконини берувчи бандларни аниқлаб чиқди.
El Nacional нашрининг ёзишича, шартнома имзолангани билан бу Эрлинг Холанд яна ўн йил Манчестерда қолади, дегани эмас. Унинг келишувида футболчини бошқа клубга ўтишини таъминловчи шартлар ҳам бор.
Улардан бирида агар “Манчестер Сити” Европа Чемпионлар лигасида йўлланма олмаса, бошқа жамоага ўтиш имконияти туғилади. Жоан Лапорта айнан мана шу банд ишга тушишини кўзлаб турибди.
Экспертларнинг таъкидлашича, Жоан Лапортанинг орзуси амалга ошмаслиги ҳам мумкин. Чунки Холандга каталонияликларга қараганда молиявий томондан анча бақувват бўлган “Реал” ва “Пари Сен-Жермен” ҳам кўз тикиб турибди.
Фикрлар