“Барса”га керак бўлмай қолган сардорга зўр иш чиқди

“Барселона”нинг асосий дарвозабони ва сардори Марк-Андре тер Штегеннинг клуб раҳбарияти билан муносабатлари совуган. Германиялик голкипер клубда уни кетказишга уринаётган одамлар борлигини айтган эди.

Ана шундай вазиятда 33 ёшли голкиперга Англия Премьер-лигасидан жиддий чорлов бўляпти. TEAMtalk нашрининг маълум қилишича, “Манчестер Юнайтед” ўз дарвозасини тер Штегенга топширишга тайёр.

Манчестерликлар ишончни оқлай олмаган Андре Онана ўрнига бир неча номзодларни кўриб чиқмоқда. Улар орасида Марк-Андре тер Штегенни қўлга киритиш варианти маъқул кўриляпти.

Германия терма жамоаси посбони каталонияликлар сафида 2014 йилдан бери ўйнаб келади. Унинг амалдаги шартномаси 2028 йилнинг ёзигача тузилган.

Transfermarkt портали тажрибали футболчини 12 миллион еврога баҳолаган.