“Barsa”ga qaytishni istamayman!

“Barselona”da asosiy tarkibga kiritilmagan o‘ng qanot himoyachisi Serjino Dest ijara asosida “Milan”ga o‘tgan edi.

Amerikalik futbolchi milanliklar uni sotib olish huquqidan foydalanishini istayapti va Kataloniyaga qaytib bormoqchi emas.

- “Milan” va “Barselona” o‘rtasidagi ijara shartnomasida mening transferimni sotib olish huquqi belgilangan and bor. Milanliklar men bilan doimiy shartnoma tuzishi uchun qo‘limdan kelganicha harakat qilaman. Bu erda o‘zimni baxtiyor his qilyapman, - dedi Serjino Dest.

21 yoshli futbolchi “Ayaks” tarbiyalanuvchisi hisoblanadi. “Barselona” uni ikki yil muqaddam 21 million evroga sotib olgan edi. Xavi Ernandes o‘zidan oldingi murabbiy – Ronald Kuman tanlagan o‘yinchilarni o‘ynatishni istamagani ortidan Dest ham o‘ziga boshqa jamoa topishga majbur bo‘ldi.