“Барса”нинг янги юлдузига бошқа жамоадан иш чиқди
Шу йилнинг бошида “Барселона” сафига қўшилган бразилиялик Витор Рокенинг Каталониядаги келажаги мавҳум бўлиб турибди.
19 ёшли футболчининг агентлари ўз мижозига мунтазам ўйин амалиёти берадиган клуб қидирмоқда.
Calciomercato нашрининг маълум қилишича, “Ювентус” Рокега ҳамкорлик таклиф қилмоқчи.
Турин клубини қабул қилиб олган Тьяго Мотта жамоага ёш ва иқтидорли бўлган ҳужумкор футболчи ва ярим ҳимоячиларни олиб келмоқчи. Рўйхатга Витор Роке ҳам киритилди.
Маълумки, “Барселона” Витор учун “АтлетикоПаранаэнсе” клубига 40 миллион евро тўлаган.
Трансфер масаласида кўп нарса “Барселона”га янги бош мураббий этиб тайинланган Ханс-Дитер Фликнинг қарорига боғлиқ бўлади.
Фикрлар