"Барселона" етакчиси сафдан чиқди

"Барселона" ярим ҳимоячиси Педри кейинги учта ўйинда жамоасига ёрдам бера олмайди. Бу ҳақида "АRА" нашри хабар берди.

Испаниялик футболчи "Реал Мадрид"га қарши учрашувда иккита сариқ карточка олиб майдонни тарк этганди. Натижада 22 ёшли ярим химоячи  дисквалификация туфайли Ла Лиганинг навбатдаги ўйинда иштирок эта олмайди. Манбанинг берган маълумотларига кўра, Педри мушакларидан жараҳот олган. Шу боис ярим ҳимоячи бир нечта ҳафта давомида жамоасига ёрдам бера олмаслиги мумкин. 

"Барселона" футболчиси нафақат дисквалификация туфайли "Эльче"га қарши ўйинни, жароҳат сабаб ЕЧЛнинг 4-турида "Брюгге" ва Ла Лигада "Сельта"га қарши учрашувларни ҳам ўтказиб юбориши кутилмоқда.

Маълумот учун, Флик шогирдлари Ла Лиганинг 10-турида "Реал"га 2:1 ҳисобида имкониятни бой берганди. Ҳозирда "кўк-аноранглилар" 10 та ўйинда 22 очко жамғарган холда турнир жадвалида иккинчи ўринни эгаллаб турибди.