“Барселона” Испаниянинг қуйи дивизионидан ҳимоячи олмоқчи

"Барселона" "Расинг Сантандер" клубининг 19 ёшли марказий ҳимоячиси Хорхе Салинас билан шартнома имзолаш имкониятини кўриб чиқмоқда. Mundo Deportivo маълумотларига кўра, Каталония клуби Испаниянинг иккинчи лигаси - Сегунда дивизионида ажойиб мавсум ўтказган футболчига қизиқиш билдирмоқда.

Ўтган мавсумда Салинас 32 та ўйин ўтказиб, жамоасига Ла Лигага чиқишга ёрдам берди. "Барселона" скаутлар бўлими ҳимоячи ҳақида ижобий фикрларни тўплади. Бироқ, мумкин бўлган трансфер клубнинг ички кадрлар бўйича қарорлари ва трансфер бозоридаги бошқа омилларга боғлиқ бўлади, деб хабар беради манба.

Хорхе Салинаснинг "Расинг" билан шартномаси 2029 йилнинг ёзигача амал қилади ва унинг келишувига тахминан 10 миллион евро миқдорида сотиб олиш банди киритилган.