"Барселона" Канселу борасида бир қарорга келди

"Барселона" ўнг қанот ҳимоячиси Жоау Канселу борасида бир қарорга келди.  Журналист Флориан Плеттенбергнинг хабар беришича, Каталония клуби раҳбарияти Канселунинг ижара муддатини яна бир мавсумга узайтириш устида ишламоқда.

Бош мураббий Ханс-Дитер Фликка Жоаунинг ўйин услуби ёқади ва  шу сабаб клуб 30 ёшли португалияликни таркибда сақлаб қолишга ҳаракат қилмоқда. Канселунинг "Манчестер Сити" билан шартномаси 2026 йилнинг ёзига қадар тузилган. "Шаҳарликлар" эса шу ёздаёқ уни доимий равишда сотмоқчи.

Маълумот учун, 30 ёшли ҳимоячи 2023/24 йилги мавсумда "кўк-анорранглилар" сафида Ла Лиганинг 32 та учрашувида қатнашиб, иккита гол урди ва тўртта голли узатмани амалга оширди.