“Барселона” катта трансферга қўл уряпти

Каталония суперклуби яқин келажакда Роберт Левандовски ўрнини эгаллайдиган тўпурар ҳужумчи қидирмоқда.

Испаниянинг Sport нашри каталонияликлар “Лилль” форвади Жонатан Дэвидни кузатаётганини маълум қилди.

“Барселона” мутасаддилари канадалик ҳужумчини ёзги трансферлар даврида Каталонияга кўчириб келмоқчи.

Жонатан Дэвидга анчадан бери гранд клублар оғиз солмоқда. 24 ёшли футболчининг  ўзи бундан хабардор ва шу боис, ёзда тугайдиган шартномасини узайтиришдан бош тортяпти.

Ҳар ҳолда эркин агент мақомида суперклублардан иш топиш осон кечади.

“Барселона” 36 ёшли Роберт Левандовски ўрнига ёш, чаққон ва тезкор форвард кераклигини таъкидлаяпти.