“Барселона” Левандовскини ўрнини “Челси” юлдузи билан тўлдирмоқчи

"Челси" ҳужумчиси Жоао Педро "Барселона"га ўтиши ҳақида хабарлар тарқалмоқда.

Каталония клуби раҳбарияти Хулиан Алваресни "Атлетико"дан сотиб олиш катта нарх туфайли деярли имконсиз бўлишини тушунмоқда. Marca хабар беришича, "кўк-анорранглилар"нинг устувор мақсади Жоао Педро бўлиб, у шартнома муддати тугагач, эркин агент сифатида кетадиган Роберт Левандовскининг ўрнини босади.

Педрони сотиб олиш ҳам арзон бўлмайди: бразилиялик футболчи ўтган ёзда "Челси"га ўтиб, "кўклар" билан 2033 йилгача шартнома имзолаган, унинг бозор қиймати эса Transfermarkt портали томонидан 75 миллион еврога баҳоланмоқда.