"Барселона" "Ливерпуль" юлдузига бўлган қизиқишни оширди

"Барселона" ёзги трансферлар ойнасида "Ливерпуль"  футболчиси Луис Диас билан шартнома имзоламоқчи.

Сўнгги пайтларда каталонияликлар аъзоси Рафиньяга Саудиянинг бир қатор клублари яхши молиявий таклифлар билан чиқиб, вингерни ўз сафига қошиб олмоқчи. "Кўк-анорранглилар" раҳбарияти агар футболчи жамоани тарк этса, унинг ўрнини Диас билан тўлдиришни мақсад қилиб қўйган. Мерсесайдликлар бош мураббийи Арне Слот эса Луисни жамоада олиб қолишидан манфаатдор еканлигини билдирди, деб хабар бермоқда "El Nacional" нашри.

Маълумот учун, колумбиялик футболчининг клуб билан шартномаси 2027 йилнинг ёзигача мўлжалланган бўлиб, Tranfermarkt порталидаги нархи 85 миллион евро деб баҳоланмоқда. Ҳужумчи жорий мавсумда АПЛнинг 22 та учрашувида майдонга тушиб, 8 та гол ва 2 та голли узатмани ўз ҳисобига ёздириб қўйди.