"Барселона" Лопесни икки шарт асосида сотишга тайёр

"Барселона" ярим ҳимоячиси Фермин Лопес учун қанча пул талаб қилиши маълум бўлди.

"Mundo Deportivo" нашрининг маълумотларига кўра, "кўк-анорранглилар" Лопесни фақат ўзи сўраган тақдирдагина қўйиб юборишга тайёр. Бунда клуб 70 миллион евродан кам бўлган таклифларни кўриб чиқмайди.

Манбанинг хабар беришича, Лопесга "Челси" қизиқиш билдирмоқда. Лондон жамоаси аллақачон испаниялик футболчининг вакиллари билан боғланиб, қарор қабул қилиш учун 48 соат муҳлат берган. Агар ярим ҳимоячи трансферга рози бўлса, "кўклар" "Барселона"га расмий таклиф юборади.

Таъкидланишича, ҳозирги пайтда каталонияликларда Лопес бўйича ҳеч қандай таклиф йўқ.