"Барселона" мухлислари учун нохуш хабар!

Педри жароҳати сабаб узоқ муддат майдонга туша олмаслиги мумкин.

"Барселона" ярим ҳимоячиси Ла Лиганинг 27-туридан ўрин олган "Атлетик"га (0:0) қарши ўйинда жароҳати туфайли алмаштирилди.

Аввалроқ Педрининг 5-6 ҳафта ўтказиб юбориши хабар қилинганди, аммо журналист Хосе Альвареснинг хабарига кўра, испаниялик футболчи мавсумнинг қолган қисмида майдонга туша олмайди. Педри жорий мавсумдаги учинчи жароҳатини олди ва шу сабаб у тахминан 100 кунни ўтказиб юборди.

21 ёшли ярим ҳимоячи жорий мавсумда "Барса" сафида 24 та ўйинда майдонга тушиб, 2 та гол ва 4 та голли узатмага муаллифлик қилди.