"Барселона" Пау Викторни сотишга қарор қилди

"Барселона" ҳужумчиси Пау Виктор ёзги трансфер ойнасида сотилиши мумкин.

"Diario Sport" нашри хабарига кўра, "Барселона" Викторни 10 миллион еврога сотишга тайёр. Каталония гранди ҳужумчини ижарага олиш бўйича бир нечта таклифлар олган, бироқ тўғридан-тўғри сотишни ҳохламоқда. 23 ёшли футболчи ўтган мавсумда ҳам кўп ўйнамади ва клуб бўлажак режаларида уни кўрмаяпти.

Пау "кўк-анорранглилар"нинг асосий жамоаси сафида барча мусобақаларда 29 та ўйин ўтказиб, 2 та гол ва битта голли узатмани амалга оширган. Нуфузли Трансфермаркт порталида футболчининг баҳоси 4 миллион еврони ташкил қилади.