"Барселона" президенти: "Nike билан ҳамкорлигимиз узоқ йиллар давом этади"

Жоан Лапортанинг маълум қилишича, "Барселона"нинг "Nike" билан тузган амалдаги шартномаси эксклюзивлигига ишончи комил. Хабар қилинишича, "блауграна" компания билан 10 йиллик шартнома тузади ва ҳар бир мавсумда ўртача 140 миллион евродан олади.

"Бу футбол оламидаги энг яхши шартнома бўлади. Август ойининг ўзида ҳам шартнома имзолаш мумкин эди. Лекин бу амалга ошмади. Чунки мен яхшироқ шароитларни хоҳладим.

Биз бозорга янада яхши келишувга эришиш мақсадида кириб бордик ва буни уддаладик. Айни дамда музокаралар олиб бормоқдамиз. Уларни якунлашга тайёрмиз ва яқин орада ҳаммаси эълон қилинади. Шартнома 10 йил муддатга амал қилиниши кутилмоқда.

Молиявий фейр-плей ҳолати ҳам яхшиланмоқда ва бунда бизга айнан "Nike" билан шартнома ёрдам берди. Биз энг мақбул шароитларни хоҳладик. Декабрга қадар Ла-Лига раҳбариятига ижобий натижаларга эришганимизни кўрсатишимиз керак. Шунда 1+1 қоидасига эришамиз", - деди Жоан Лапорта.