"Барселона" қачон "Камп Ноу"га қайтади?

"Барселона" қачон ўзининг уй стадиони - "Камп Ноу"га қайтишни режалаштираётгани маълум бўлди. Каталония директорлар кенгаши аъзоси Елена Форт  ушбу режалар ҳақида гапирди.

Эслатиб ўтамиз, "Барселона" айни дамда ўз уй учрашувларини “Монжуик” стадионида ўтказмоқда.

"Биз 2024 йил охиригача "Камп Ноу"га қайтиш учун ҳаракат қиляпмиз. Бироқ, бизнинг режаларимизни ўзгартириши мумкин бўлган омиллар бор", - деди Форт Barca Universal нашрига берган интервьюсида.

“Басрелона” тўққиз турдан кейин 24 очко жамғарган ҳолда Испания чемпионати турнир жадвалида пешқадамлик қилмоқда. Кейинги турда “кўк-анорранглилар”ни ўз майдонида “Севилья”га қарши баҳс кутмоқда. Ушбу ўйин 20 октябрь куни бўлиб ўтади.