"Barselona" Rafinya bilan shartnomani uzaytirdi va "Selta"ga ijaraga berdi

"Barselona" yarim himoyachisi Rafinya Alkantara faoliyatini "Selta" klubida davom ettiradigan bo‘ldi.

26 yoshli futbolchi kataloniyaliklar bilan bitimini 2021 yilgacha uzaytirdi va amaldagi mavsumni ijara asosida "Selta" klubida o‘tkazadigan bo‘ldi.

Vigo klubi futbolchining maoshini to‘liq o‘z zimmasiga oldi va bundan tashqari, 1,5 mln evrogacha bo‘lgan bonus ham berishi mumkin.

Avvalroq, vigoliklar futbolchini 10 mln evro evaziga sotib olish huquqiga ega bo‘lishlari ma’lum qilingan edi.

Eslatib o‘tamiz, Rafinya 2013/14 yilgi mavsumni aynan "Selta" klubida o‘tkazgan. O‘tgan mavsumning katta qismini jarohati tufayli o‘tkazib yubordi.