"Барселона" Рафинья билан шартномани узайтирди ва "Сельта"га ижарага берди

"Барселона" ярим ҳимоячиси Рафинья Алькантара фаолиятини "Сельта" клубида давом эттирадиган бўлди.

26 ёшли футболчи каталонияликлар билан битимини 2021 йилгача узайтирди ва амалдаги мавсумни ижара асосида "Сельта" клубида ўтказадиган бўлди.

Виго клуби футболчининг маошини тўлиқ ўз зиммасига олди ва бундан ташқари, 1,5 млн еврогача бўлган бонус ҳам бериши мумкин.

Аввалроқ, виголиклар футболчини 10 млн евро эвазига сотиб олиш ҳуқуқига эга бўлишлари маълум қилинган эди.

Эслатиб ўтамиз, Рафинья 2013/14 йилги мавсумни айнан "Сельта" клубида ўтказган. Ўтган мавсумнинг катта қисмини жароҳати туфайли ўтказиб юборди.