“Барселона” “Реал Мадрид”нинг Альварес бўйича таклифидан ғазабда

“Барселона” Мадриднинг “Реал” клуби ҳужумчи Хулиан Альварес бўйича берган таклифига муносабат билдирди.

“Diario Sport” хабар беришича, каталонияликлар “Реал”нинг бу ҳаракатини клуб президенти Флорентино Перес томонидан “Барселона”га босим ўтказиш ва вазиятни чалғитиш уриниши сифатида баҳоламоқда.

Мадрид клуби аргентиналик ҳужумчи учун 150 миллион евро таклиф қилган, бироқ “Атлетико” бу таклифни рад этган. Клуб футболчининг шартномасида 500 миллион евро миқдорида товон пули борлигини эслатган.

Шунингдек, "кўк-анорранглилар" Альваресга қизиқиш билдирган.

Каталония клуби фикрича, мадридликлар бу трансфер жараёнини мураккаблаштириш ва рақибларни чалғитишга ҳаракат қилмоқда. “Барселона” аввалроқ футболчи учун 100 миллион евро таклиф бергани ҳам маълум қилинган.