“Barselona” “Roma”ga himoyachi transferi yuzasidan so‘rov yubordi

"Barselona" himoya chizigʻini "Roma" himoyachisi Evan N'Dika bilan kuchaytirish niyatida. Kataloniyaliklar markaziy himoyachiga faol qiziqish bildirmoqda. Bu haqida Diario Sport xabar berdi.

Manbaga koʻra, "koʻk-anorranglilar" allaqachon rimliklar rahbariyati bilan bogʻlanib, 26 yoshli futbolchining transferi masalasida soʻrov yuborgan.

Joriy mavsumda ivuarlik himoyachi "Roma"ning barcha musobaqalardagi 31 ta oʻyinida qatnashib, oʻz hisobiga 3 ta gol yozdirib qoʻydi. N'Dikaning Italiya klubi bilan amaldagi shartnomasi 2028 yilga qadar imzolangan.

Nufuzli Transfermarkt portali maʼlumotlariga koʻra, markaziy himoyachining narxi 30 mln evroni tashkil etadi.