"Барселона" собиқ мураббийини ортга қайтариши мумкин

ПСЖ бош мураббийи Луис Энрике "Барселона"ни бошқариши мумкин. Бу ҳақда "El Nacional" нашри маълум қилди.

Манбада берилган маълумотга кўра, испаниялик мутахассис 2027 йилнинг ёзида Каталония клубига қайтиши мумкинлиги ҳақида айтилмоқда. Маълум бўлишича, Луис аллақачон "Барселона" раҳбарияти билан эҳтимолий ҳамкорлик масалаларини муҳокама қилиб бўлган. Энрике ПСЖдан Брэдли Барколани ўзи билан бирга олиб кела олишишига испан грандини ишонтирган. 

Маълумот учун, аввалроқ "ПСЖ" Энрикени узоқ муддатга бош мураббий сифатида сақлаб қолмоқчи экани ҳақида хабарлар тарқалган эди.