«Барселона» спорт директори: «Бир томонда Месси, иккинчи томонда — «Барселона»

«Барселона» спорт директори Деку 19 июл куни бўлиб ўтадиган 2026 йилги жаҳон чемпионати финали ҳақида фикр билдириб, Испания ва Аргентина терма жамоалари орасидаги учрашувда кимни фаворит деб билажаги ҳақидаги саволга жавоб берди.

«Лео биз учун абадий ўзимизники. Танлаш жуда қийин. Бир томонда – Лео. У нафақат менинг дўстим, балки «Барселона» мухлислари учун ҳаммасига ўзини бағишлаган футболчи. У – афсона. У кўрсатаётган ўйин мен учун ҳали ҳам ҳайратланарли. Бошқа томонда эса «Барселона» футболчилари бор. Шу боис бу осон қарор эмас, эртага барчага диққат билан назар ташлаймиз. Ўйлайманки, финал жуда ҳаяжонли ўтади», – дея Декуни сўзларини COPE манбасига таяниб Mundo Deportivo келтиради.

Жаҳон чемпионати финали АҚШнинг Ист-Ратерфорд шаҳрида жойлашган «Метлайф» стадионида ўтказилади. Учрашув бошланиш вақти – Тошкент вақти билан соат 23:59.