"Барселона" Суперлига ғоясидан воз кечди

"Барселона" президенти Жоан Лапорта Суперлига лойиҳасидан кетиш ва "Реал"ни ўз манфаатларини мустақил ҳимоя қилиш учун қолдириш ҳақида ўйламоқда. Бу ҳақда RAC1 нашри хабар берди.

Манбага кўра, сўнгги ойларда "Барселона" ва Европа футбол уюшмалари иттифоқи (UEFA) ўртасидаги музокаралар жараёни яхшиланган. "Барселона"дагиларнинг фикрича, UEFA клубларнинг уларга қўяётган талабларининг бир қисмини англаб етган ва энди томонлар ўртасидаги ҳамкорлик учун қулайроқ замин пайдо бўлган.

Шу билан бирга, таъкидланишича, "Реал" Суперлига ғоясидан воз кечмоқчи эмас. "Қаймоқранглилар" президенти Флорентино Перес бу лойиҳани устувор йўналиш сифатида кўрмоқда ва унинг ёрдамида футболни ўзгартириши мумкин.

Эслатиб ўтамиз, 2021 йилнинг апрель ойида бир қатор клублар раҳбарлари Суперлигани ташкил этиш ғоясига қўллаб-қувватлаши расман тасдиқлаганди. Флорентино Перес режалаштирилган турнирнинг биринчи раиси бўлди.