"Барселона" Суперлигани тарк этди

"Барселона" раҳбарияти Европа Суперлигаси лойиҳасидан чиқишга қарор қилди. Бу ҳақда клуб ўз расмий саҳифасида маълум қилди. 

Манба маълумотига кўра, 7 февраль куни "Барселона" Суперлига раҳбариятини лойиҳада иштирок этишдан бош тортиши ҳақида расман хабардор қилган. Суперлига лойиҳаси 2021 йилда Европанинг бир нечта грандлари томонидан ташкил этилган. Лойиҳа ривожига Мадриднинг "Реал" клуби президенти Флорентино Перес алоҳида ҳисса қўшган.  

Маълумот учун, турнир ЕЧЛ ўрнини босиши керак эди, аммо асосий еврокубоги формати ўзгариши ва UEFA таҳдидларидан сўнг деярли барча жамоалар Суперлигада иштирок этишдан бош тортган. Ҳозиргача иштирокчилар орасида "Барселона" ва "Реал" бор эди. Энди "қаймоқранглилар"нинг ўзи ёлғиз қолди.