"Барселона" тарихида 10-рақам остида тўп тепган футболчилар ТОП-10талиги тузилди

Ламин Ямал яқинда "Барселона" билан шартномани узайтириб, ўзига янги 10-рақамни олди. Шу муносабат билан "Goal" портали "Барселона" тарихидаги энг яхши 10-рақамда тўп тепган ўйинчилар рейтингини тузди.

Кутилганидек, биринчи ўринда узоқ йиллар давомида клуб учун ўйнаб, 2020-2021 йилги мавсумда Каталония жамоасини тарк этган Лионель Месси жойлашди. Иккинчи ўринда эса футбол майдонида ҳақиқий сеҳр кўрсатган футболчи - Роналдиньо.

Учинчи ўринни Диего Марадона эгаллади. Кейинги ўринларда Ривалдо, Ладислав Кубала, Ромарио, Христо Стоичков, Луис Суарес (1954-1961 йилларда клубда ўйнаган), Георги Хажи ва Эваристо жой олди.