"Барселона" тўпурари Роналду ҳақида зўр гаплар айтди

"Барселона" ҳужумчиси Роберт Левандовски Португалия терма жамоасининг юлдуз футболчиси - Криштиану Роналду ҳақида гапирди.

"Мен Криштиану Роналду фаолияти давомида нималарга эришганини ва ўз рекордлари билан футбол тарихига қандай таъсир қилганини яхши биламан. У албатта футбол тарихида қолади. Қарийб 40 ёшда ҳам у ақл бовар қилмайдиган амбицияни намоён этмоқда", - деди польшалик футболчи.

Криштиану Роналду айни пайтда Саудия Арабистонининг "Ан-Наср" клуби шарафини ҳимоя қилмоқда. Унинг клуб билан амалдаги шартномаси 2025 йилнинг ўрталарига қадар мўлжалланган. Матбуотда португалиялик футболчи меҳнат шартномасини яна бир мавсумга узайтириши мумкинлиги ҳақида маълумотлар мавжуд.