"Барселона" яна бир иқтидорли футболчини сотиб олмоқчи

"Кёльн" ҳужумкор ярим ҳимоячиси Саид Эль-Мала Германияни тарк этиб, Испания чемпионатига кўчиб ўтиши мумкин.

"Sport.es" нашри хабарига кўра, "Барселона" 19 ёшли футболчига қизиқмоқда. Каталония клуби 2025/2026 йилги мавсумдан сўнг футболчини сотиб олишга уриниб кўради. Саиднинг трансфер қиймати 18 миллион еврога баҳоланмоқда.

"Кўклар" унинг сотувидан камида 30 миллион евро ишлаб олишни режалаштирмоқда. Эл-Мала жорий Бундеслигада 10 та ўйинда майдонга тушиб, тўртта гол урди ва битта голли узатмани амалга оширган.