"Барселона" яна дуранг ўйнади. Куман ва Де Йонг қизил карточка олди

Ла Лига 6-туридан ўрин олган "Кадис" - "Барселона" учрашуви якунига етди. Ўйинда 0:0 ҳисоби қайд этилди ва Каталония клуби кетма-кет иккинчи бор очко йўқотди. 

5 ўйинда 9 очко тўплашга муваффақ бўлган "кўк-анорранглилар" турнир жадвалида 7-ўринни эгаллаб турибди. "Кадис" ҳисобида ҳозирча 6 очко бор ва улар 14-поғонадан жой олган.

Шунингдек, баҳснинг 64-дақиқасида Френки Де Йонг қизил карточка олди ва "Барса" қолган вақтда 10 киши бўлиб ўйнашга мажбур бўлди.



Бундан ташқари, бугун 6-тур доирасида "Осасуна" - "Бетис" ўйини ҳам бўлиб ўтди ва мазкур ўйинда меҳмонлар рақибдан 3:1 ҳисобида устун келди. 

• 90+6'
  

  Ўйин ўз якунига етди. Куман қизил карточка олди. Хуллас, "Барселона"нинг омадсизликлари давом этади. 

• 90+3'

  Депаааааай! Ўйин якунига яқин нидерландиялик футболчи ажойиб имкониятдан фойдалана олмади. 

• 90+1'

  Коутиньонинг жаримадан йўллаган зарбасига аниқлик етишмади. 

• 90'
  

  Ўйиннинг асосий вақтига 5 дақиқа қўшиб берилди. 

• 90'

  Мемфис Депайни яна йиқитишди. "Барса" жарима зарбаси тепиш имкониятига эга бўлди. 

• 88'

  Коутиньонинг жарима зарбасидан тепган тўпи дарвозанинг устидан ўтиб кетди. 

• 87'

  Депайга нисбатан ўйин қоидаси бузилди. 

• 84'

  "Барселона" фойдасига жарима зарбаси. Коутиньо тўп олдида. 

• 83'

  "Кадиз" футболчииснинг жарима майдони ичига етказиб берган узатмасини Тер Штеген эгаллаб олди. 

• 81'

  "Кадиз"да яхши имконият вужудга келди, аммо Тер Штеген ўз ўрнида. 

• 79'
  

  Сержиньо Дест ўрнига Рики Пуч майдонга тушди. 

• 76'

  Коутиньо рақиб жарима майдони атрофида нимадирлар қилишга ҳаракат қиляпти. 

• 71'

  "Кадиз" футболчисига нисбатан Пике майдон марказида ўйин қоидасини бузди. 

• 68'
  

  Коутиньо Люк Де Йонг ўрнига майдонга тушди. 

• 66'
  

  Роберто ҳакамга эътироз билдиргани учун сариқ карточка билан огоҳлантирилди. 

• 64'
  

  "Барселона" футболчиси Френки Де Йонгга қизил карточка кўрсатилди. 

• 60'

  "Барса"да гол уриш учун жуда яхши вазият вужудга келди, бироқ на Де Йонг ва на Депай дарвоза томон зарба йўллашни уддалай олмади. 

• 57'

  "Барселона" навбатдаги позицион ҳужумни бошлади. 

• 53'

  "Барса" рақиб жарима майдончаси атрофида анча фаоллашиб қолди. 

• 52'

  Депайнинг жарима майдончаси ташқарисидан йўллаган зарабасини дарвозабон қайтарди. 

• 50'

  Қандай вазият! Депайда дарвоза яқинида жуда яхши имконият вужудга келди, бироқ Депай зарба бера олмади. 

• 46'

  "Кадис" футболчисидан ажойиб зарба, Тер Штегендан эса ажойиб сейв

• 45'
  

  "Барселона" таркибида ўзгариш. Демир ўрнига Роберто майдонга тушди. 

• 45'

  Жамоалар майдонга тушиб келишди. 

• 45'

  Иккинчи бўлим бошланиш арафасида. 

• 45+3'
  

  Биринчи тайм якунига етди. Ҳозирча ўйинда ҳисоб очилмади. 

• 45+2'

  Депайнинг узатмасидан сўнг дарвозабон тўпни қайтариб юборди. 

• 45'
  

  Биринчи бўлимнинг асосий вақтига 3 дақиқа қўшиб берилди. 

• 44'

  Биринчи бўлим якунига етиш арафасида. Ҳозирча ҳисоб 0-0. 

• 43'
  

  "Кадиз" бурчак тўпи тепиш имкониятига эга бўлди. 

• 40'

  "Барса" ўйинига динамика ва футболчиларни бир-бирларини тушуниб ўйнаш каби жиҳатлар етишмаяпти.

• 40'

  "Кадис" футболчиси жароҳат олиб майдонда ётибди. 

• 37'

  "Барселона" олдинга ўтди, аммо футболчилар бир-бирларига тўп етказиб беришда хатога йўл қўймоқда. 

• 33'

  Люк Де Йонгга нисбатан ўйин қоидаси бузилган эди. Ҳакам ушбу эпизодга эъибор қаратмади. 

• 31'
  

  "Барса" бурчак тўпи тепиш имкониятига эга бўлди, аммо узатма хеч кимга тегмай майдонн тарк этди. 

• 30'

  Депайнинг дарвоза томон йўллаган зарбаси кучсиз чиқди ва дарвозабон тўпни эгаллаб олди. 

• 26'

  "Барса"да яхши имконият вужудга келди, аммо ҳимоячилар тўпни қайтаришди. 

• 25'
  

  "Барселона" бурчак тўпи тепиш имкониятига эга бўлди. 

• 23'

  Бускетснинг жарима майдони ичига йўналтирган пасига аниқлик етишмади. 

• 19'

  "Барса" жарима зарбаси тепиш имкониятига эга бўлди. 

• 15'

  Майдон марказида Де Йонг рақибга нисбатан ўйин қоидасини бузди. 

• 12'

  "Барселона"да тўп назорати бор, бироқ кескинлаштирувчи паслар ва ҳужумда фаоллик йўқ. 

• 9'

  "Барса" майдон марказида тўпни назорат қилмоқда. 

• 8'
  

  "Барселона" бурчак тўпи тепиш имкониятига эга бўлди. 

• 7'

  Демирга нисбатан ўйин қоидаси бузилди. 

• 6'

  "Кадис" олдинга ўтаётган бир пайтда. Бускетс рақибга нисбатан ўйин қоидасини бузди. 

• 3'

  Дест қанотдан кириб борди ва дарвоза томон ноаниқ зарба йўллади. 

• 2'

  Илк дақиаардан майдон эгалари олдинга ўтмоқда. "Барса" ҳимояланишига тўғри келади. 

• 0'
  

  Ўйинга старт берилди. 

• 0'

  Ассалому алейкум қадрли футбол мухлислари. Бироздан сўнг Ла Лига 6-туридан ўрин олган "Барселона" - "Кадиз" ўйини бошланади. Мазкур ўйиндан матнли трансляцияни сайтимиз орқали кузатиб боришингиз мумкин.