"Барселона"да икки муҳим ўйин олдидан жиддий йўқотиш

"Барселона"нинг иккинчи дарвозабони "Райо Вальекано"га қарши ўйинни асосий таркибда бошлаши кутилмоқда. 

Белида ноқулайлик сезаётган Марк-Андре тер Штеген 25 ноябрь куни бўлиб ўтадиган Ла Лиганинг 14-тури доирасидаги сафар ўйинида иштирок эта олмайди. Инаки Пенья беллашувни асосий таркибда бошлайди.

"Diario Sport" хабарига кўра, 28 ноябрь, сешанба куни бўлиб ўтадиган Чемпионлар лигаси гуруҳ босқичининг 5-туридан ўрин олган “Порту”га қарши ўйинда Тер Штеген ўз вақтида тикланишга улгурмаслиги мумкин.

Қайд этиш лозим, Пенья "Барселона" асосий таркибида 5 та ўйинда майдонга тушган.