"Барселона"нинг 17 ёшли ҳимоячиси қойилмақом кўрсаткич қайд этди

Европа Чемпионлар лигаси чорак финалидан ўрин олган ПСЖ - "Барселона" баҳсида каталонияликлар 3:2 ҳисобида рақибдан устун келди ва жавоб баҳси олдидан ўз имконияталрини яхшилаб олди. 

Эътиборли томони шундаки, охирги пайтларда "кўк-анорранглилар"нинг асосий таркиб футболчисига айланиб бораётган 17 ёшли Пау Кубарси мазкур беллашувда бирор маротаба Париж клуби футболчиларига дриблингга йўл қўйиб бермади. Бундан ташқари, у 2023/2024 йилги мавсумда ҳали ЕЧЛ ўйинларида бирор маротаба рақибларига алданмаган. 

Қайд этиш лозим, "Барселона" ва ПСЖ жамоалари ўртасидаги жавоб баҳси 16 апрель санасида бўлиб ўтиши режалаштирилган.