"Барселона"нинг собиқ футболчисига Италия ва Англия грандлари қизиқиш билдирмоқда
"Ницца" ҳимоячиси Жан-Клер Тодибога Англия ва Италиянинг топ-клублари қизиқиш билдирмоқда.
L'Équipe нашрининг хабар беришича, 23 ёшли франциялик футболчига АПЛ клублари қизиқиш билдирмоқда. Шунингдек, Италия клублари, жумладан, «Наполи» ва «Ювентус» ҳам «Барселона»нинг собиқ футболчиси билан бир неча ойдан бери алоқада.
Ўз навбатида "Ницца" Жан-Клерни 30-40 миллион евро эвазига қўйиб юбориши мумкин. Футболчининг француз клуби билан амалдаги шартномаси 2027 йилгача мўлжалланган.
Тодибо жорий мавсум Франция чемпионатида 30та ўйинда майдонга тушди. У яқинда Франция терма жамоасига ҳам чақирилди.
Фикрлар