"Bavariya" angliyalik himoyachiga qiziqish bildirmoqda

"Bavariya" himoya chizig‘ini kuchaytirishi maqsadida bir nechta futbolchilar bilan muzokaralar o‘tkazishni rejalashtirgan. Variantlar orasida "Milan" a’zosi Fikayo Tomori ham bor, deya xabar bermoqda "Sky Sports" nashri. 

Manbaning tak’idlashicha, milanliklar allaqachon rad javobini bergan. Shu sababli, nemislar taklif bilan chiqmaydi, lekin kelasi yozda Tomorini sotib olish uchun yana harakat qilib ko‘radi. "Bavariya" Fikayodan tashqari "Bayer" himoyachisi Jonatan Taga ham qiziqish bildirayotgani borasida mish-mishlar mavjud. 

Eslatib o‘tamiz, myunxenliklar Tomorini yotgan yozda ham o‘z tarkibiga qo‘shib olishni rejalashtirgandi. Ammo jiddiy harakat bo‘lmagan.