"Бавария" ҳужумчиси жамоада қоладиган бўлди

"Манчестер Юнайтед" "Бавария" ҳужумчиси Матис Телга қизиқиш билдираётганди. Аммо бу трансфер амалга ошмайдиган бўлди. Сабаби, футболчи клубида қолади. 

Инсайдер Фабрицио Романо хабар беришича, Тель Германия клубида узоқ йиллар тўп тепишга қарор қилди. У келажакда "Бавария"нинг асосий ҳужумчиси бўлишни режалаштирган. 

2022 йилда немислар таркибига келиб қўшилган Тель мазкур мавсум клубнинг 29 та учрашувида иштирок этиб, 6 та гол урди ва 4 та ассист амалга оширди.