“Bavariya” ikki yulduz o‘rnini bosadigan bir futbolchini oladi

Evropa Chempionlar ligasining amaldagi g‘olibi “Bavariya” yozda ikki tajribali himoyachi – David Alaba va Jerom Boateng bilan xayrlashishga tayyorlanmoqda.

Myunxenliklar bu ikki himoyachi o‘rnini bosa oladigan futbolchini “Napoli”dan topdi. Bundesliga grandi yozda Kalidu Klubalini sotib olish uchun italiyaliklarga taklif tayyorlayapti.

29 yoshli senegallik futbolchi bir necha marta grand klublarga o‘tmoqchi bo‘ldi. Biroq, “Napoli” rahbariyati uning ketishiga yo‘l qo‘ymadi.

Klub prezidenti Aurelio De Laurentis Kulibalini tarkibda saqlab qolish uchun har gal uning transfer summasini ko‘tarib yubormoqda. Aynan u belgilayotgan narxlar “Bavariya”ning savdosiga xalaqit qilishi mumkin.