“Бавария” катта трансферга қўл урди

“Ливерпуль” таркибида ўзгариш бўлиши кутилмоқда. Юрген Клопп кетганидан кейин айрим етакчи ўйинчилар ҳам ўзига бошқа иш топиши мумкинлиги айтилмоқда.

Бу вазиятдан “Бавария” оқилона фойдаланиб қолмоқчи. Мюнхенликлар ёзги трансферлар вақтида “қизиллар” ҳимояси етакчиси Виржил ван Дейкни ўз сафига қўшиб олмоқчи.

Sports Zone нашрига кўра, Бундеслига клубига тажрибали футболчини трансфер қилиш осон бўлмайди.

Виржил ван Дейк ихтиёрида Саудия Арабистони клублари жўнатган мўмай даромадли таклифлар ҳам турибди.

Нидерландиялик ҳимоячи “Ливерпуль”даги фаолияти давомида клублар миқёсидаги барча нуфузли турнирлар бош совринини қўлга киритиб бўлган.