“Bavariya” superto‘purar Harri Keynni qanchaga qo‘yib yuborishi ma’lum bo‘ldi

Uzoq yillar “Tottenxem”da to‘purarlik mahoratini namoyish qilib kelgan Harri Keyn boshqa klub va yangi ligalarda ham o‘ynay olishini isbotladi.

2023 yilning yozida “Bavariya”ga ko‘chib o‘tgan 31 yoshli forvard Bundesligada ham muntazam raqiblar darvozasini ishg‘ol qilib kelmoqda.

Shunga qaramay, angliyalik futbolchi shartnomasida uni transfer qilish imkonini beradigan band bor. Bu band 2026 yilning yanvarida bir oy amal qiladi. Myunxen superklubi o‘sha paytda o‘z to‘purarini 65 million evroga qo‘yib yuborishga rozilik bergan.

Aslida Keynning Bundesliga grandi bilan amaldagi shartnomasi 2027 yilning yarmigacha tuzilgan. “Bavariya” Keyn uchun “Tottenxem”ga 100 million evro to‘lagan edi.