"Бавария" янги рекорд ўрнатди

Кеча Бундеслиганинг 14-туридан ўрин олган "Бавария" ва "Майнц" жамоалари ўртасидаги учрашув бўлиб ўтди.

Мазкур учрашувда Компани шогирдлари ўз уйида "Майнц" билан 2:2 ҳисобида дурангга имзо чекди. Ушбу бахсда мюнхенликлар мавсумдаги 50 ва 51-голларини киритди. Шу тариқа "Бавария" самарадорлик бўйича янги рекорд ўрнатди. Илгари Бундеслигада ҳеч қайси клуб чемпионатнинг 14 турида 50 тадан ортиқ гол урмаганди. 

Эслатиб ўтамиз, Компани шогирдлари ҳозирда 38 очко билан турнир жадвалида пешқадамлик қилмоқда.