"Бавария" юлдузига кутилмаган клуб қизиқмоқда

Мюнхеннинг "Бавария" клуби ярим ҳимоячиси Жошуа Киммих Испания чемпионатига йўл олиши мумкин. TodoFichajes нашрининг хабарига кўра, 30 ёшли футболчига "Реал Сосьедад" клуби қизиқиш билдирмоқда.

Испания жамоаси Киммихни эркин агент сифатида қўлга киритмоқчи, унинг "Бавария" билан амалдаги шартномаси июн ойининг охирида якунланади. "Реал Сосьедад" Жошуани ёзги трансфер ойнасида жамоани тарк этиши мумкин бўлган Мартин Субимендининг ўрнини босувчи футболчи сифатида кўриб чиқмоқда.

Жорий мавсумда Киммих Бундеслигада 23 ўйинда майдонга тушиб, битта гол урди ва бешта голли узатма амалга оширди. У 2015-йилнинг ёзидан буён "Бавария" шарафини ҳимоя қилиб келмоқда.