"Бавария"га янги бош мураббий топилди

Мюнхеннинг "Бавария" клуби "Бёрнли" бош мураббийи Винсент Компани билан оғзаки келишувга эришди.

"Бавария" Томас Тухель шу ёзда жамоани тарк этишини эълон қилганидан  сўнг, мураббий қидиришга жиддий қарамоқда. Тухелнинг кетиши, Хаби Алонсо ва Ральф Рангник каби номзодлар билан муваффақиятсиз музокаралар олиб борилиши, "Бавария"ни қийин аҳволда қолдирди ва энди эътиборини Компанига қаратишга мажбур бўлди.

Sky sports хабарига кўра, "Бавария" ва Компани ўртасидаги оғзаки келишув ҳозирда кучга кирган ва "Бёрнли" билан расмий музокаралар бошланган. Расмий келишув ҳали якунланмаган бўлса-да, томонлар Компанининг ушбу муҳим вазифани ўз зиммасига олиши мумкинлиги ҳақида оптимистик фикрда.

                                                                                                                                                                                                          Жахонгир Иномжонов