"Bavariya"ga yangi bosh murabbiy topildi

Myunxenning "Bavariya" klubi "Byornli" bosh murabbiyi Vinsent Kompani bilan og‘zaki kelishuvga erishdi.

"Bavariya" Tomas Tuxel shu yozda jamoani tark etishini e’lon qilganidan  so‘ng, murabbiy qidirishga jiddiy qaramoqda. Tuxelning ketishi, Xabi Alonso va Ralf Rangnik kabi nomzodlar bilan muvaffaqiyatsiz muzokaralar olib borilishi, "Bavariya"ni qiyin ahvolda qoldirdi va endi e’tiborini Kompaniga qaratishga majbur bo‘ldi.

Sky sports xabariga ko‘ra, "Bavariya" va Kompani o‘rtasidagi og‘zaki kelishuv hozirda kuchga kirgan va "Byornli" bilan rasmiy muzokaralar boshlangan. Rasmiy kelishuv hali yakunlanmagan bo‘lsa-da, tomonlar Kompanining ushbu muhim vazifani o‘z zimmasiga olishi mumkinligi haqida optimistik fikrda.