"Байер" Бензема трансферига муносабат билдирди

Карим Бензема «Байер» сафида ўйнашни истамоқда, аммо клуб позицияси аниқ.

«Байер» (Леверкузен) спорт директори Симон Рольфес «Реал» ва Франция терма жамоаси собиқ ҳужумчиси Карим Бензема эҳтимолий трансфери ҳақида тарқалган хабарларга муносабат билдирди.

Рольфеснинг таъкидлашича, леверкузенликлар таркиби янги мавсум учун аллақачон шакллантирилган.

«Биз таркибни тўлиқ шакллантириб бўлдик», — деб қайд этган клуб вакили.

Карим Бензема ҳозирча эркин агент мақомига эга. 38 ёшли француз яқинда Саудия Арабистонининг «Ал-Ҳилял» клуби билан шартномасини бекор қилди. У ушбу жамоа сафида 16 та ўйин ўтказиб, 10 та гол урди ва 5 та голли пас берди.

Жорий мавсум Бундеслигада уч турдан сўнг «Байер» 4 очко жамғарган ва турнир жадвалида 8-ўринни эгаллаб турибди.