"Байер" бир евро ҳам нархни туширмоқчи эмас. "Барселона"нинг "боши қотган"

"Барселона" Жереми Фримпонгни 40 миллион евродан камига сотиб ололмайди. 

"Diario Sport" хабарига кўра, каталониялик бош мураббийи Ханс-Дитер Флик раҳбариятдан "Байер" ҳимоячисини сотиб олишни сўраган, аммо леверкузенликлар унинг трансфери борасида савдолашмоқчи эмас. 

Нидерландияликнинг ҳозирги жамоаси билан шартномасида товон пули 40 миллион еврони ташкил этади ва Германия чемпионлари нархи бир миллион еврога ҳам туширмоқчи эмас. 

Бундеслига доирасида Фримпонг 31 ўйин ўтказиб, 9 та гол уришга муваффақ бўлган.