Беҳзод Раҳимбоев Швейцарияга кетди

Бугунги кунда иқтидорли ва истиқболли спортчиларни селекция қилиш, уларни Ўзбекистон терма жамоалар заҳираси ва асосий таркибига киритиш ҳамда спортчиларни узлуксиз ўқув-машғулот йиғинларини асосий ва хорижий спорт базаларида олиб борилишини ва халқаро мусобақаларга юборишни жорий этиш юзасидан мамлакатимиз велоспорти федерацияси томонидан бир қатор ишлар олиб борилмоқда.

Хусусан, Халқаро Велосипедчилар Иттифоқининг Ривожланиш маркази таклифига асосан Ўзбекистон Миллий терма жамоаси аъзоси, 2019 йил Ўзбекистонда велошоссе бўйича бўлиб ўтган Осиё чемпионатининг ўсмирлар ўртасида бўлиб ўтган пойгада кумуш ва бронза медали соҳиби, 2002 йилда туғилган Раҳимбоев Беҳзод ўқув-йиғин машғулотда иштирок этиш учун бугун 9 июль куни Швейцария давлатига жўнаб кетди.

Ахамиятли томони шундаки мазкур ўқув-машғулоти Б.Рахимбоевга халқаро мусобақаларга юқори савияда тайёргарлик кўришга ҳамда хорижий давлатларнинг илғор спортчи ва тренерларидан ўқув услубий, машқ жараёнларини самарасини ошириш, велоспорт соҳасидаги дунё андозалари охирги ютуқлари ва амалиётларидан фойдаланишга хизмат қилади. Мазкур ўқув-йиғин машғулоти
23 августга қадар давом этади.